ವಿಶ್ವ ಸಾಗರಗಳ ದಿನವು ಜೂನ್
8 ರಂದು ಪ್ರತಿ ವರ್ಷ ನಡೆಯುವ ಅಂತಾರಾಷ್ಟ್ರೀಯ ದಿನ. ಈ ಪರಿಕಲ್ಪನೆಯನ್ನು ಮೂಲತಃ 1992ರಲ್ಲಿ ಬ್ರೆಜಿಲ್ನ
ರಿಯೊ ಡಿ ಜನೈರೊದಲ್ಲಿ ನಡೆದ ಅರ್ಥ್(ಭೂ)ಶೃಂಗಸಭೆಯಲ್ಲಿ ಕೆನಡಾದ ಇಂಟರ್ ನ್ಯಾಷನಲ್ ಸೆಂಟರ್ ಫಾರ್
ಓಷನ್ ಡೆವಲಪ್ ಮೆಂಟ್ (ಐಸಿಒಡಿ) ಮತ್ತು ಓಶಿಯನ್ ಇನ್ಸ್ಟಿಟ್ಯೂಟ್ ಆಫ್ ಕೆನಡಾ (ಓಐಸಿ)ಗಳು ಪ್ರಸ್ತಾವಿಸಿದವು.
ವಿಶ್ವ ಸಾಗರಗಳ ದಿನವನ್ನು 2008ರಲ್ಲಿ ವಿಶ್ವಸಂಸ್ಥೆ ಅಧಿಕೃತವಾಗಿ ಗುರುತಿಸಿತು. ಅಂತಾರಾಷ್ಟ್ರೀಯ
ದಿನವು ಜಗತ್ತಿನಾದ್ಯಂತ ಸುಸ್ಥಿರ ಅಭಿವೃದ್ಧಿ ಗುರಿಗಳ ಅನುಷ್ಠಾನವನ್ನು ಬೆಂಬಲಿಸುತ್ತದೆ ಮತ್ತು ಸಾಗರ
ಮತ್ತು ಅದರ ಸಂಪನ್ಮೂಲಗಳ ನಿರ್ವಹಣೆಯಲ್ಲಿ ಸಾರ್ವಜನಿಕ ಆಸಕ್ತಿಯನ್ನು ಉತ್ತೇಜಿಸುತ್ತದೆ.
ಇತರ ಕ್ಷೇತ್ರಗಳಿಗೆ ಹೋಲಿಸಿದರೆ ಸಾಗರ ವಲಯವು ಪ್ರಬಲ ಧ್ವನಿಯನ್ನು ಹೊಂದಿಲ್ಲ ಎಂದು 1987ರ ಬ್ರಂಟ್
ಲ್ಯಾಂಡ್ ವರದಿಯಲ್ಲಿ ಉಲ್ಲೇಖಿಸಿದೆ.
ವರ್ಲ್ಡ್ ಓಷನ್ ನೆಟ್ ವರ್ಕ್ ನೊಂದಿಗಿನ ಓಷನ್ ಪ್ರಾಜೆಕ್ಟ್ ನ ಸಂಘಟಿತ ಪ್ರಯತ್ನದ ಆರಂಭಿಕ ವರ್ಷಗಳಲ್ಲಿ,
ಡಜನ್ ಗಟ್ಟಲೆ ಘಟನೆಗಳು ನಡೆದವು. ಈ ಸಮಯದಲ್ಲಿ, ಈ ಘಟನೆಗಳನ್ನು ಉತ್ತೇಜಿಸಲು ಮತ್ತು ವಿಶ್ವ ಸಾಗರಗಳ
ದಿನವನ್ನು ಆಚರಿಸಲು ಉಚಿತವಾಗಿ ಸಂಪನ್ಮೂಲಗಳು, ವಿಚಾರಗಳು ಮತ್ತು ಪರಿಕರಗಳನ್ನು ಉಚಿತವಾಗಿ ನೀಡುವ
ಮೂಲಕ ಹೆಚ್ಚಿನ ತೊಡಗಿಸಿಕೊಳ್ಳುವಿಕೆಯನ್ನು ಉತ್ತೇಜಿಸಲು ಸಹಾಯ ಮಾಡುವ ಉದ್ದೇಶದಿಂದ www.WorldOceansDay.org ಅನ್ನು ಪ್ರಾರಂಭಿಸಲಾಯಿತು. ಡಿಸೆಂಬರ್ 2008ರಲ್ಲಿ,
ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು ಈ ದಿನವನ್ನು ಅಧಿಕೃತವಾಗಿ ಗುರುತಿಸುವ ಘೋಷಣೆಯನ್ನು ಅಂಗೀಕರಿಸಿತು.
ಕೆಲವು ಶೀರ್ಷಿಕೆಗಳನ್ನು ಕೆಳಗೆ ನೀಡಲಾಗಿದೆ:
"ನಮ್ಮ ಸಾಗರಗಳು, ನಮ್ಮ ಜವಾಬ್ದಾರಿಗಳು".
"ನಮ್ಮ ಸಾಗರಗಳು: ಅವಕಾಶಗಳು ಮತ್ತು ಸವಾಲುಗಳು"
"ನಮ್ಮ ಸಾಗರಗಳು: ನಮ್ಮ ಭವಿಷ್ಯವನ್ನು ಹಸಿರಾಗಿಸುತ್ತದೆ"
"ಸಾಗರಗಳು ಮತ್ತು ಜನರು"
"ಆರೋಗ್ಯಕರ ಸಾಗರಗಳು, ಆರೋಗ್ಯಕರ ಗ್ರಹ"
"ನಮ್ಮ ಸಾಗರಗಳು, ನಮ್ಮ ಭವಿಷ್ಯ"
"ನಮ್ಮ ಸಾಗರವನ್ನು ಸ್ವಚ್ಛಮಾಡಿ!"
"ಲಿಂಗ ಮತ್ತು ಸಾಗರಗಳು"
"ಸುಸ್ಥಿರ ಸಾಗರಕ್ಕಾಗಿ ನಾವೀನ್ಯತೆ"