ಗ್ರೆಗೋರಿಯನ್ ಕ್ಯಾಲೆಂಡರ್ ನಲ್ಲಿ, ಹೊಸ ವರ್ಷದ ಈವ್ ಅಂದರೆ ವರ್ಷದ ಕೊನೆಯ ದಿನ ಡಿಸೆಂಬರ್ 31 ರಂದು. ಅನೇಕ ದೇಶಗಳಲ್ಲಿ, ಹೊಸ ವರ್ಷಾಚರಣೆಯನ್ನು ಸಂಜೆಯ ಪಾರ್ಟಿಗಳಲ್ಲಿ ಆಚರಿಸಲಾಗುತ್ತದೆ. ಅಲ್ಲಿ ಅನೇಕ ಜನರು ನರ್ತಿಸುತ್ತಾರೆ, ಬಗೆ ಬಗೆಯ ತಿನಿಸು, ಪಾನೀಯ ಸೇವಿಸುತ್ತಾರೆ ಮತ್ತು ಪಟಾಕಿಗಳನ್ನು ಸಿಡಿಸಿ ಸಂಭ್ರಮಿಸುತ್ತಾರೆ. ಸಾಮಾನ್ಯವಾಗಿ ಹೊಸ ವರ್ಷದ ದಿನ, ಜನವರಿ 1ರ ಮಧ್ಯರಾತ್ರಿವರೆಗೂ ಕೆಲವೆಡೆ ಈ ಆಚರಣೆಗಳು ಮುಂದುವರೆಯುತ್ತವೆ. ಆ ವರ್ಷದ ಆರಂಭದ ದಿನ ಹೊಸ ಹೊಸ ಪ್ರತಿಜ್ಞೆ ತೆಗೆದುಕೊಂಡು ಇಡೀ ವರ್ಷ ಪಾಲಿಸುವವರಿದ್ದಾರೆ.